Den aña 2021 Gobierno ta keda brinda yudansa pa sigura e sosten social y sosten na economia di nos pais

ORANJESTAD-Gobierno a presupuesta 96 miyon pa sosten social y 362 miyon pa sosten na economia, asina Minister di Finanza, Xiomara Maduro a informa. Tabata den conferencia di prensa di diahuebs ultimo Minister Xiomara Maduro a informa cu den aña 2021 Gobierno ta keda brinda yudansa pa sigura e sosten social y sosten na economia di nos pais den e momentonan aki di e crisis cu e pandemia di Covid-19 ta hinca nos pais aden.