Den 1st Craribean Invitational Baseball Tournament organisá pa Pelican League Foundation: Sta. Maria Pirates a regresá karga ku premio…

E ekipo di Sta. Maria Pirates ku a bira kampeon na St. Maarten den e prome torneo di baseball Invitashonal organisa pa Pelican League Foundation a regresa ku un kantidat di premio. Juremi Profar a gana e premio di MVP; Cedeon “Chepi” Langguith a gana e premio di miho lansado dje torneo.

Swindley Lint a bati .667 i gana e titulo di kampeon bate ku averahe di .667.

Sherwenne Antersijn a bira kampeon base robá.
Aruba representa pa Red Machine, 2 selekshon di St. Maarten i St. Maria Pirates a partisipa na torneo ku tabata bon organisa i ku hopi publiko.
Ta e intenshon pa kontinua ku e aktividat di baseball Internashonal aki.
Republika Dominikana i Virgin Island tambe ke partisipa pa e kompetensia aki.

Juremi Profar aki ta risibi premio di MVP.            Pitcher na Cedeon Langguth.