Demanda di Marina Real a ‘chumba’…. Nan kier a kobra Brakapoti 1.4 mion florin pero a haña ‘fooi’ di 40 mil

WILLEMSTAD. Un proseso huridiko ku a kuminsa for di 2017 entre Marina Real i e fundashon ku ta eksplotá e sentro akuatiko na Brakapoti a kaba den un ‘maria-porko-sushi’ pa Marina Real ora ku wes a dikta sentensia den e proseso kaminda Marina Real a eksigi pago di 1.5 mikon florin na paño i perwisio pero wes a pasa machete skèrpi den e demanda i a redusi esaki na 40.000 florin. E desishon aki a bira konosi ayera i ku un ‘plumaso’ wes a supla i paga e ilushon di Marina Real pa kobra e suma mionario aki. Riba e tereno tabatin un restorant ku yama Boathouse pero Marina Real a ordená pa sera e restorant kondenando Marina Real pa paga Brakapoti-Boathouse 20.000 florin den promé instansia.
Marina Real ta doño di dos tereno na Brakkeput Ariba. Den prinsipio fundashon Johannes Bosco tabata alkilá e terenonan na 1995 i 2006 Marina Real tabata alkila e parselanan serka fundashon Johannes Bosco