Delegashon di Reino ta pidi atenshon pa islanan chikí serka Nashonnan Uni

DEN HAAG/WILLEMSTAD – E delegashon di Reino, ku riba dianan 19 te ku 27 di september ta partisipa na e 77 edishon dje Reunion General di Nashonnan Uni, lo pidi atenshon pa e posishon partikular dje islanan chiki ‘Small Island Developing States’ (SIDS).
Esaki den kuadro dje retonan spesifiko ku e partinan karibense di Reino ta konfrontá diariamente.
Asina minister di Asuntunan di Eksterior, Wopke Hoekstra ta partisipa den un karta pa Tweede Kamer, tokante dje ehersisionan di Reino durante dje siman di e Reunion General di Nashonnan Uni.
“Debi na nan posishon, e tamañonan chiki, dependensia grandi ekonomikamente di turismo i importashon, e islanan ta vulnerabel pa desaroyonan gepolitiko i kambio di klima”. Asina e mandatario a bisa.
“Aktualmente Reino ta focus riba desaroyo duradero, igualidat di posibilidat i adaptashon di klima, pa garantisa ku tur hende por partisipa igualmente den komunidat. Esaki ta hopi importante pa e SIDS-nan tambe den Reino.

Ta nesesario pa mantene e retonan spesifiko pa e islanan riba e agenda di Nashonnan Uni.’’