Deporte
Definitivamente: Sadio Mané ta pèrdè mundial..
E futbolista estrea Senegales Sadio Mané definitivamente lo no por hunga den e mundial di Qatar ku ta start mañan ku e wega entre Ecuador i e Pais anfitrion ku ta Qatar.
Sadio Mané ku ta hunga den Bundes Liga pa e tim di Bayern Munich ta e hungadó estrea di su Pais.
E la leshoná den e último wega di Bayern Munich i ounke nan a hasi hopi esfuerso e no a logra rekuperá na tempu.
Federashon di futbòl di Senegal a informá ku definitivamente Mané no por hunga.
Nan tabata spera un milager, pero esei no a sosodé.
Senegal ta kuminsá nan aktuashon den e mundial djaluna vs Ulanda.