Internashonal
Debí na rísiko di Salmonella: FDA na Merka ta alerta ku tin mas produkto alimentisio
KENTUCKY – Mark Smucker presidente di J.M. Smucker Company a haña òrdu di FDA (FDA Food and Drug Administration) pa emití un komunikado kaminda mester notifiká ku nan produktonan ku a sali riba merkado na luna di Mei ta kontaminá ku Salmonela.
E motibu ku tin ku emití e komunikado di alerta aki ta debí ku 97 persona ku a konsumí produktonan di pindakas marka Jiff di .M. Smucker Company a bira malu.
Robert M. Califf presidente di FDA a splika ku a laga tèst vários produkto via di e sistema di WGS Whole Genome Sequencing analysis i esakinan a resultá positivo di ta kontaminá ku Salmonela.
FDA ta rekomendá pa no usa produktonan di e fábrika J.M. Smucker Company ku e fecha ku a sospecha ku tabatin salmonela.