Internashonal
Debí ku koalishon a kolèps: Mario Draghi a presenta su renunsia komo prome minister na presidente di Italia
ROMA – Mario Draghi prome minister di Italia a presenta su renunsia ayera na Sergio Mattarella presidente di e pais.
E motibu dikon Mario Draghi a presenta su renunsia na Sergio Mattarella ta debí ku un partido ku ta sosio klave den koalishon no a partisipa den un voto di konfiansa riba un dekreto klave. Presidente Sergio Mattarella no a aseptá e karta di renunsia di prome minister Mario Draghi i lo bai wak kiko lo bai bira e siguiente pasonan.
Segun analistanan a informá ku Italia ta den un krísis polítiko i a keda atvertí ku lokual a pasa aki lo por ta un provokashon pa elekshon antisipá.
Sergio Mattarella no a aseptá e renunsia di Mario Draghi i a invite pa presenta den parlamento pa hasi su deklarashon. E krísis ekonómiko ku e pais ta den ta serio segun Mario Draghi i e mester haña e sosten di su sosio den koalishon pa sigi atendé ku lokual ta bai sigi hasi.