DEA ofresé $ 10 mion pa kaptura di e dos yunan di Chapo Guzman

WASHINGTON – Departamento di hustisia merikano a emití un komunikado kaminda ta informá ku tin órden di kaptura riba dos yunan di Joaquín “El Chapo” Guzmán.
Ta trata aki di e kriminalnan hefe di “Cártel de Sinaloa” ku a keda identifiká komo Jesús Alfredo Guzmán Salazar mihó konosí komo “el Alfredillo” i su ruman chikí ku yama Ovidio Guzmán López “el Ratón”.
E dos yunan di Joaquín “El Chapo” Guzmán a keda manda kantidatnan grandi di kokaina i otro tipo di droga na vários parti di Merka.
Esaki ta kondusí ku Departamento di hustisia merikano mester a pone un rekompensa haltu di $5 mion riba Jesús Alfredo Guzmán Salazar mihó konosí komo “el Alfredillo” i Ovidio Guzmán López “el Ratón” su kabes.