Daniel Ortega a kore ku embahadora di Union Europeo for di Nicaragua

MANAGUA – Ayera gobiernu di Nicaragua ku tin e sandinista Daniel Ortega komo hefe di estado a deklará Bettina Muscheidt embahadora di Union Europeo komo persona “non grata”.
Esaki ta nifiká ku e régimen di Ortega a duna embahadora Bettina Muscheidt 48 ora pa bandoná Nicaragua.
Segun medionan di komunikashon na Nicaragua e gobiernu Sandinista a notifiká Bettina Muscheidt verbalmente ku e tin ku bandoná pais den 48 ora.
E motibu dikon Daniel Ortega kier saka Bettina Muscheidt for di Nicaragua ta debí ku e embahador a duna un deklarashon na prensa ku e pais ta keda goberná pa un diktador i ku e pueblo mester tuma akshon.
Den e kaso aki naturalmente teniendo kuenta ku Daniel Ortega tin su spionnan tur kaminda a informe di lokual Bettina Muscheidt a bisa.
Daniel Ortega tin hasta Obispu i pastornan enkarselá i Bettina Muscheidt ku a haña un trato suave mes ku ela keda haña chèns pa bandoná Nicaragua di e forma aki.