Dalip e olefante mas bieu na Merka a fayesé

MIAMI – Ron Magill bosero di Zoológiko na Miami Dade a konfirmá ku ayera nan mester a pone Dalip e olefante mas bieu na Merka drumi.
Dalip ta nifiká “Rei” na Hindú i tabatin 56 aña di edat. Ron Magill a bisa ku for di komienso di e aña aki Dalip a kuminsá pèrdè peso i no tabata kome bon.
Algu di historia di Dalip ta ku na 1967 un filántropo ku yama Ralph Scott a regalá Zoológiko di Miami e olefante aki.
Asina Dalip a bin ta bira un espektákulo na Zoológiko di Miami.