Curacao Cleanup ta invitá na e siguiente “cleanup” pa yuda limpia nos dushi Kòrsou

WILLEMSTAD. Curacao Cleanup, Ocean Conservancy, Coca-Cola Curacao i Selikor ta invitá bo na e siguiente “cleanup” pa yuda limpia nos dushi Kòrsou.
Den preparashon pa e dia di limpiesa , relashoná ku dia mundial di medio ambiente i oséano, direktiva di Curaçao Clean Up a reuní ku gerensia di Selikor. Nos ta kontentu i ku hopi orguyo por partisipá di a haña un sosio den Selikor ku un meta komun : un Kòrsou limpi. Esaki ta un komienso pa mas proyekto di limpiesa den futuro
Curacao Clean Up ta gradisí Selikor ku promé ku e evento di limpiesa di djasabra awor, lo limpia e aria di dùmp di shushi ilegal , den e aria di St.Joris.

Relashoná di dia Mundial di Medioambiente i Oséano, djasabra dia 5 di yüni, Curacao Clean Up huntu ku e otro sosionan ta organisá un evento di limpiesa ku boluntario den aria di e bahia di St Joris.
Via e página di facebook di Curacao Clean Up ta hasi un yamada na boluntario ku e ánimo pa kana un tiki, pa bin yuda limpia den e aria di St.Joris. E evento ta di 7 or pa 11 or di mainta.
Por inskribí via e email worldcleanupdaycuracao@gmail.com.
Tuma e promé stap i yuda nos limpia nos dushi isla, Kòrsou
Bira un héroe di limpiesa i registrá awor!