Cristina Fernández kondena na 6 aña di kastigu di prizon

BUENOS AIRES – Pa promé biaha den historia na Argentina un vise presidente ku ta den funshon na e kargo ta keda kondena na kastigu di prizon.
Den e kaso aki wes Jorge Gorini di korte Supremo di hustisia na Argentina a dikta huntu ku wesnan Rodrigo Giménez Uriburu i Andrés Basso ku vise presidente Cristina Kirchner ta kulpabel di froude, korupshon i malversashon di fondonan públiko.
E situashon ta asina grave ku ta kalkulá ku durante periodo di gobernashon di Cristina Kirchner komo presidente di Argentina huntu ku su konseheronan a malversá mas ku $5.000 mion.
Wes Jorge Gorini promé ku ela lesa veredikto di Cristina Kirchner a tene un diskurso durante 15 minüt.
Lokual ku Wes Jorge Gorini a Cristina Kirchner no tabata nada bon ya ela perhudiká míles di suidadano di Argentina malversando míles di miónes di dòler ku por a keda invertí den krea kuponan di trabou i edukashon.
Fiskal Diego Luciani ku a atendé ku e kaso aki tabata kontentu ya ku ela traha duru pa trese e bèrdat dilanti.
E veredikto ta ku Cristina Kirchner a haña 6 aña di kastigu di prizon i ku no por ehersé e trabou di funshonario públiko durante 10 aña despues ku e kaba di sinta su kastigu di prizon.