CPR ta insisti para lèkmentu informashon riba negoshashon

WILLEMSTAD. Ta imperativo pa evitá i si ta posibel para lèkmentu di informashon. P’esei CPR a tuma e inisiativa propio pa di su banda kontratá servisio di inteligensia lokal i merikano pa investigá kon i e dikon di e lèkmentu i ken ta responsabel pa e lèkmentu.
Tantu e servisio di inteligensia merikano komo esun lokal ta servisio privá ku CPR a aserká pa por duna mihó bista riba e meta pa opstakulisá e proseso pa habri e refineria.
E servisionan di inteligensia gubernamental Merikano ni tampoko e servisio di inteligensia gubernamental lokal no ta enbolbí den e investigashon ku ta tumando lugá di parti di CPR aktualmente.
Den kaso ku e servisionan di inteligensia privá den servisio di CPR topa algu ku ta ilegal, e servisionan akí mes lo tuma kontakto ku outoridatnan lokal i entregá loke nan tin na prueba p’asina outoridatnan lokal por hasi e investigashon nesesario i si mester unu penal.
CPR ta spera ku e servisionan di inteligensia por kaba ku nan investigashon pronto i ku resultado di nan investigashon ta krea espasio pa kaba ku e proseso di negoshashon eksitosamente.