CPA, KTK i CPO a pasa ouditoria di ISO ku eksito

Curaçao Ports Authority (CPA) huntu ku su supsidiarionan Kompania di Tou Kòrsou (KTK) i Curaçao Pilots Organization (CPO) un biaha mas a sa di pasa e ouditoria di ISO ehekutá pa LRQA (Lloyd) ku éksito. E ouditoria aki ta basá segun e delaster normanan di kalidat (ISO 9001) i di maneho di medioambiente (ISO 14001).
E ouditoria a proba ku e sistema di maneho di kalidat i medioambiente ku a bin ta hiba durante e último añanan ta forma un base sólido ku e kompanianan por keda konta pa keda mehorá nan servisionan i nan impakto riba nos medioambiente. Finalmente un danki spesial ta bai na nos empleadonan, ku apesar di tur e retonan di último tempu, a pèrkurá pa e logro aki.