Cosecha su workshops na final di luna di augustus

Cosecha tin dos workshops na final di luna di augustus. E workshops ta tuma lugar e delaster diabierna di luna, 27 di augustus. Uno ta tuma lugar den nos centro creativo na San Nicolas y uno den nos centro creativo na Oranjestad.

Ta importante pa sa cu durante workshops na Cosecha tur precuacion di higiena y seguridad lo wordo tuma en conexion cu Covid-19.

Diabierna 27 di augustus e artista local Merveline Geerman tin un workshop di mosaic unda participantenan por bin traha un reiger, na Papiamento yama Garsa.

E workshop aki ta di 18.00 – 20.00. E prijs ta inclui material y bebida refrescante. Edad pa por participa ta 15 aña bay ariba. E workshop aki lo tuma lugar na Cosecha San Nicolas.

Tambe e piesa di Garsa ta disponibel como pakete di DIY. Delaster dia pa registra y paga p’esaki ta diabierna 27 di augustus y diabierna 3 di september por busca e pakete na Cosecha Oranjestad.

Riba e mesun dia, diabierna 27 di augustus, pero na Cosecha Oranjestad e pintor local Erika Moran lo duna un workshop di arte unda lo siña con pa pinta un curpa humano cu carbon. Durante e workshop aki lo bai tin un modelo presente cu t’esun cu e participantenan lo bay pinta.

E workshop aki ta di 18.00 – 20.00. Durante e workshop aki lo tin bellini, hors d’oeuvres y material di arte p’e workshop aki. E edad pa por participa ta 18 aña bay ariba.

Pa mas informacion por tuma contacto cu Cosecha Oranjestad na telefon 587-8709. Tambe por manda un email na cosechaworkshop@gmail.com.

Pa por keda informa di Cosecha su workshop, artesano, artistanan y nan webshop nobo por bishita nan Facebook page: Aruba-Cosecha, Instagram page: cosecha_aruba y Webpage: www.arubacosecha.com.