Corda semper cu bo salud ta nos prioridad Hospital su reglanan ta pa proteccion di pashent, bishitante y

ORANJESTAD-Dr. Horacio E. Oduber Hospital tin su reglanan di cas manera tur organisacion y esaki ta semper p’e bienestar y proteccion di pashent, bishitante y empleado. Tur persona cu yega Hospital pa haci un of otro test, cita cerca un specialista, bishita un pashent of pa eherce nan trabou tin cu sigui e reglamentonan aki. Esaki ta valido tambe pa tur cu ta bishita un policlinica pafo di HOH of Bloedbank y LabHOH tambe.

Operacionnan of admision no planea:

Si bo persona tin un operacion of admision planea, lo yama pa haci un triage telefonico. Si tin sintomanan di Covid-19 lo mester haci test prome. E dia di operacion atrobe e enfermera lo haci e triage prome cu e operacion. Si wordo admiti di emergencia na HOH lo haci un test di Covid-19.

Cita policlinica/Radiologia/Wondpoli/Functie y tur otro servicio:

Acudi n’e cita bo so y cu bo mask bisti.  Tin casonan pa motibo medico of di excepcion cu e pashent mester di un acompañante (mucha, pashent invalido, den rolstoel etc).  Si e acompañante no tin mask bisti tambe lo nenga entrada na Hospital.

Por fabor yega bo cita 5 minuut prome y no mas pa evita aglomeracion.

Porfabor mantene un bon higiena di man haciendo uzo di nos hand sanitizers situa na diferente lugarnan strategico prome y despues di haci bo bishita.