Internashonal
Conviasa a kanselá: Tur buelo entre Caracas/ Buenos Aires entre 11 di yüli pa 20 di sèptèmber
CARACAS – Ramón Velásquez Araguayán minister enkargá transportá aéreo i alabes presidente di Conviasa a informá ayera ku tur buelo ku tabata programa pa 11 di yüli pa 20 di sèptèmber di e aña aki a keda kanselá.
E motibu dikon ta debí ku outoridatnan di e Aeropuerto Internashonal Ministro Pistarini Ezeiza na Argentina ta ninga pa suministra Conviasa kombustibel.
Esaki ta nifiká ku un kantidat grandi di pasaheronan ku a kumpra nan pasashi adelantá lo bai keda perhudiká.
E motibu prinsipal dikon ta ku na prinsipio di yüni un avion di karga di Venezuela modèl Boeing 747-300 registrá bou di number YV3531 tabata transportá 5 hòmber Iraní ku supuestamente tabata pertenesé na un organisashon terorista.
Gobiernu di Argentina ta konsiderá sensibel presensia di biaheronan Iraní debí ku nan aña 1994 tabatin un atentado na un sentro di hudiu na Buenos Aires kaminda teroristanan Iraní a mata 85 persona i 300 persona a resultá herida.