Internashonal
Colombianonan lo tin ku elegí nan presidente entre Gustavo Petro i Rodolfo Hernández
BOGOTA – Gustavo Petro senador i eks geriyero miembro di FARC tabata vensedó den e promé
buèlta di elekshon presidensial ayera na Colombia.
Pero lo tin ku bai disputa e di dos buèlta ku e kandidato Rodolfo Hernández kende ta un outsider mionario ku a saka sorpresivamente sufisiente voto pa mantené derecha den kontienda ainda.
Gustavo Petro (62) a gana e primaria ku (40,3%) di voto riba Rodolfo Hernández (77) ku su (28,2%).
Den e kaso aki e di dos buèlta entre Gustavo Petro i Rodolfo Hernández lo bai keda disputa dia 19 di yüni próksimo.
E resultado aki ta un demostrashon ku e votadornan Colombiano a propiná un kastigu na partidonan tradishonal i spesialmente na e partidonan di derecha.
Ta pa promé biaha den historia di elekshon na Colombia algu asin’aki a tuma luga segun ekspertonan den polítika.
Te ku algun siman pasa segun sondeonan Federico Gutiérrez tabata rival di Gustavo Petro pero Rodolfo Hernandez a sorprendé tur hende.