“Coach” Patrick, Tata di J’Dah: “Ta asina mes !!!”…

• Deporte 5 Star a aserká “Coach” Patrick Girigorie ku ta Tata i “Coach” dje ídolo nobo di nos softball femenino fastpitch ku ta J’Dah Girigorie pa puntr’é kiko tin di bèrdat ku J’Dah no ta bai ku selekshon e kompromiso Panamerikano na Guatemala. Patrick a kontestá riba “app” ku ta asina mes. Patrick, o “Coach Patrick” a bisa 5 Star ku ta manera el a bisa, e trainingnan di selekshon ta 9or pa 11or di anochi.
“E kos ei no ta bai.
Ta bin aserka ku wega tambe ta kuminsá 9.30 pm.
Den fin di siman tambe tin un kantidat di wega. Ta kon J’Dah ta hasi prepará pa e kampeonato Panamerikano ??”, e ta splika. Komo Tata e ta mustra tambe ku mester wak kon e siman di “prufwèrk” ta kai na e skol nobo.
Basá riba tur e kosnan ei mi ta bisa ku laga nos wak e kos trankil. Komo picher bo tin di prepará bon pa un kompetensia di nivel haltu asina.
J’Dah tin kasi 5 siman sin ta train optimal. Despues di e “World Series Senior League” kampeonato a start ku kantidat di wega tras di otro..
Tira den wega ta otro for di prepará bon pa un kampeonato di nivel haltu. Tur hende ta bisa bo:”Si, si, si”, pero realmente nan no ta komprondé.
Si bo ta hunga tantu asina pa siman, kon bo ta hasi ahustá. Ta bin aserka ku ta train djaluna, djarason i djadumingu, banda di tur e weganan. E “Coach” di picher ta di opinion ku si bo mester ahustá bo kampeonato pa plania pa kompetensia Internashonal, bo tin di hasiele. Kòrsou no tin e luho manera otro Paisnan ku atletanan kasi ta move den selekshon so, o nan tim por permití pèrdè e hungadónan ku ta bai ku selekshon. “Nos no tin e luho ei. Patrick a konta 5 Star ku J’Dah mes ta puntra ta kon e ta hasi prepará bon pa un Panamerikano siendo ku tin di hunga tantu wega asina, i tambe atendé ku skol ??.
Patrick ta splika ku semper e ta bisa ku picher no ta manera un primera/base o outfielder. Físikamente i mentalmente bo mester ta bon prepará, o lubidá..
Meskos ku partisipashon por krese bo, e por kibra bo tambe.. “Bo tin di prepará optimal, si esei no sosodé, no tin niun hende pa karga ku bo despues”, e Tata Patrick ta añadí. E ta bisa ku selekshon lo por konta ku e picher Ulandes Richelle, huntu ku “Lili” i Teydi, Julise i wak kisas si por haña un picher hulandes mas. Si nos no kai den un “Pul” muchu fuerte nos lo por gana e weganan nesesario pa logra un bon klasifikashon.
El a finalisá bisando:”Si tabata yanüari, lo bo por a pensa na train novèmber i desèmber duru i bai. Awor akí ta difísil”.

“Coach” Patrick Girigorie.