Lokal
CMC debe gobiernu 412 mion florin pero gobiernu tin otro sifra
WILLEMSTAD. CMC tin un suma di 412 mion florin ku nan mes a kalkkula ku nan debe gobiernu pero ku nunka Korsou a asepta ni formalisa i CMC tin dos aña no ta pagando kuota pero ta formalisando debe.
E siman aki e minister di Salubridat sra. Janga a splika parlamento ku kushina di hospital no ta sirbi pashèntnan kuminda pre-kushiná pa via ku un palamentario a tende esaki.
E minister a splika ku CMC por ehempel ta kumpra batata kaská kaba pasobra pa paga hende pa kaska batata ta muchu karu i ta mas saludabel pa pashèntnan pasobra tin dietista ta duna instrukshon i ta kushiná di manera profeshonal.
Tampoko CMC no ta pidi kuminda di restorant eksterno pero nan mes ta kushiná tur kuminda i no ta haña kuminda pre-cooked pasobra CMC tin kapasidat pa prepara mil kuminda pa dia. .
Vishon dje minister di Salubridat ta pa e kuminda den CMC ta:
di bon kalidat, ta aksesibel pa tur siudadano i pagabel pa komunidat i gobiernu.
Ademas nos sistema di salubridat ta kubri tur hende kaminda hassta esnan mas vulnerabel tin kuido garantisa den Fondo di Seguro Basiko.