Claude Joseph a akusá Ariel Henry komo sospechoso den kaso di asesinato di Jovenel Moïse

PORT AU PRINCE – Claude Joseph eks promé minister di Haiti ta kere firmemente ku su susesor Ariel Henry ta opstakulisando e investigashon di e asesinato di presidente Jovenel Moïse.
E kaso di asesinato di presidente Jovenel Moïse a tuma luga dia 7 di yüli di 2021.

Claude Joseph ta papia di magnisidio di Jovenel Moïse den un entrevista ku periodistanan na Fransia i Canada.
E eks mandatario a keda invitá pa tantu gobiernu di Canada komo Fransia pa bin informá realmente ta dikon Haiti ta den un situashon ekstremadamente difísil.
E motibu dikon Claude Joseph a bisa ku Ariel Henry mes no ta sera ainda ta debí ku ela bin ta stroba e investigashon di asesinato di Jovenel Moïse.
E supuesto outor intelektual di e asesinato segun outoridatnan ta Christian Emmanuel Sanon kende ta un dòkter ku ta biba na Merka.
Claude Joseph a bisa ku Ariel Henry tabatin kontakto direkto ku Christian Emmanuel Sanon na numeroso okashon promé ku nan a asesiná Jovenel Moïse.