China a sanshoná direktor di dos empresa merikano responsabel pa bende Taiwan arma

PEKIN – Mao Ning bosero di Ministerio di Relashonnan Eksterior na China a anunsiá ku nan a sanshoná direktornan di dos empresanan ku a bende Taiwan arma di gera.
Ta trata aki di direktornan di e empresanan Raytheon Technologies i Boeing Defense ku a kaba di entrega departamentu di defensa na Tawian armanan di gera.
Raytheon Technologies i Boeing Defense huntu a haña
kontrato balorá na $4.500 mion pa bende Taiwan armanan supersofistika manera avionnan di kombate, sistema di misilnan i radarnan.
Mao Ning a splika ku gobièrnu di China tambe lo bai imponé sanshon riba mas empresa merikano ku ta lo bai kuminsá entrega Taiwan minishon i armanan di kandela.