Chicago Cubs a keda laga Andrelton den libertat…

Despues ku e shortstop YDK Andrelton Simmons a bandoná lista di hungadó leshoná, e organisashon di Chicago Cubs a tuma e desishon di lag’é den libertat. Manera ta konosí si e hungadó ta riba lista di leshoná no por lag’é bai.

Andrelton a firma ku e tim di Cubs pa 1 aña pa $ 4.000.000.

Simmons a sufri di algun leshon i no a resultá e loke ku Cubs lo a deseá. Simmons su averahe tabata hopi abou, i e siman ku a pasa Cubs a lag’é den libertat.

Andrelton ta keda un pelotero ku por ta suplente shortstop atraktivo pa kualke ekipo ku ta luchando pa yega post-season.

Si e no haña tim kisas e próksimo temporada e lo por haña invitashon pa ta na Big League Camp ku kualke ekipo ya ku defensivamente ainda e por hasi e trabou.

Su ofensiva a kai hopi último añanan.

Simmons pa vários aña hungando ku Bravos di Atlanta pa hopi tabata e mihó shortstop defensivo di Liga Grandi.