Deporte
Chicago Cubs a keda den tereno Na New York: A pidi “Búskeda” urgente di “Calili” !
• José Treviño e último pelotero ku Yankees a sobra ku tabata riba banki a drenta komo emergente i konektá hit pa empuhá e kareda ku Yankees tabatin mester pa gana di Chicago Cubs 2-1 den un wega ku a bai 13 inning.
Gleyber Torres i Jason Heyward a bati homerun pa nan respektivo ekipo i e wega a keda empatá 1-1. Yankees a habri ku Luis Severino ku a tira 6 inning i poncha 10 bateado. E bullpen dje dos timnan tabata hermetiko. Treviño ku a bira un faborito di fanatikonan di Yankees a bisa ku e la bati e hit pa su yu hòmber ku ayera a hasi aña. “Mi tabatin konfiansa i tabata kla pa e trabou”, e la deklará. Cubs ta keda den tereno i for di ayera nochi ta buskando nos amigu Carl Ruiter, konosí komo “Calili”. Esnan ku por sa di dje tuma kontakto ku kualke miembro di famia: Ruiter, Barbei, Jones o Obispo. Lo tin un rekompensa pa esun ku por sa dje paradero di e hóben hòmber di deporte aki. Carl “Calili” Ruiter…(Radio Hoyer, TV Direct i matutino Èkstra Ta Pidi Koperashon).