Chevron a kontesta Biden i nan lo bai kolaborá pa oumentá produkshon di kombustibel

TEXAS – Siman pasa presidente Joe Biden a manda un karta bastante fuerte pa shete kompania petrolero merikano ku ta mantené nan produkshon di kombustibel abou pa asina mantené preis di nan produktonan haltu riba merkado.
E dos kompanianan petrolero ku Joe Biden a sali krítika públikamente tabata Chevron i Exxon Mobil ku ta keda konsiderá komo esnan di mas grandi na Merka.
E siman aki Mike Wirth presidente di Chevron a manda un karta bek pa Joe Biden indikando ku nan lo bai oumentá produkshon di kombustibel pa asina trata na baha preisnan ku ta ridikulamente haltu na Merka.
E motibu segun Mike Wirth ku nan no a oumentá produkshon ta debí ku nan refinerianan no ta haña sufisiente krudo pa refiná.
Por ehèmpel na Los Angeles tin pòmpnan di gasolin di Chevron mes ku preis di kombustibel a subi yega te na $7 pa galòn.