Charla riba historia total di peska artesanal na Kòrsou

WILLEMSTAD. Tin diskripshon detayá di kon piskadónan ta prepará slepas di e piskánan mas komún ku nan sa usa komo as, i kua as artifisial e piskadónan sa usa. Ademas ta demonstrá kon piskamentu den garná, piskamentu ku as bibu i piskamentu di fòndu ta tuma lugá.
Piskamentu ku kanaster i piskamentu ku reda di masbangu ku no ta dependé di uso di liña di man.

ALTERNATIVA PA
KUE MAS PISKÁ
Ta deskribí métodonan di piska ku ta prohibí pa lei, pero ku tòg sa keda praktiká abiertamente i kon piskadónan a purba kompensá pa e redukshon den kaptura dor di introdusí sierto inovashon manera piskamentu na tankero anochi i fabrikashon i uso di bui pa atraé piská.
Ta splika kon ta merkadeá piská na Kòrsou.
Finalmente ta demonstrá e kònòpinan mas komún ku piskadónan tradishonal sa usa pa mara liña, pa pega anzue i prepará waya.
Den epílogo ta trata sostenebilidat i perspektiva pa futuro pa e sektor di peska tradishonal di Kòrsou, den konteksto lokal i internashonal.
Den e glosario a purba di dokumentá e terminología profeshonal na papiamentu di e piskadónan tradishonal.

Den e aneksonan ta deskribí finalmente e espesienan di palu lokal ku e piskadónan ta usa pa traha kinichi di boto i otro aksesorionan manera bar’i hak, chikote, erante di kanaster, etsetera, siguí pa un impreshon general di kon botonan di peska a desaroyá den tempu te yega na e diseño di e botonan ku nos konosé awendia.