CFT ta atverti algun dia kaba: Wak pa CMC paga fiansa di 9 mion florin e aña’aki

WILLEMSTAD . Situashon finansiero kèsh den kaha di gobiernu no ta malu i ta hasta mihó ku ekspertonan a kalkulá pero gobiernu mester paga tinu ku ora nan fia otro instansianan semi gubernamental kapital, esakinan tin ku paga bèk.
Un dje fiansanan ku gobiernu a hasi ta e suma di 9 mion florin na Curaçao Medical Center (CMC).
Sinembargo riba e kuenta i rason dje fiansanan ku gobiernu a hasi, por no ta ku hospital no a paga ningun kuota bèk.
CFT a mustra gobiernu riba e risiko ku e situashon finansiero pèrèmpèmpè na CMC por pone ku nan no por paga e 9 mion florin bèk e aña’ki i CFT ta kontrola delaster mion florin ku gobiernu tin ku haña bèk.
Enfatikamente CFT a suplika gobiernu di Kòrsou pa spesifika i pone riba papel ki palabrashon nan tin ku CMC pa eventualmente krea un reserva finansiero den presupuesto si akaso e plaka no drenta.
Loke ta importante tambe ta ku dia 25 di mart Konseho di Minister a disidi pa pone tur fiansa ku Kòrsou a haña na 2020 i 2021 en un solo fiansa i paga e kuotanan te oktober 2023.
E refinansiamentu aki a tuma lugá kaba i for di e raportahe di mart ultimo por Kòrsou tin 317 mion florin kèsh den kaha.
Promé di kai den tentashon di bai gasta e plaka aki na kantidat di soketada manera biahenan eksotiko na dozein di parti di minister i parlamentarionan, pa manera ku nan a duna Instrukshon den pasado pa uza parti di e plaka pa paga e debe grandi ku gobiernu tin na Fondo General di Penshun.
Dje manera aki Kòrsou por balota su kompromisonan finansiero pa kumpli ku e proyektonan di Landspakket.
Gobiernu mester evalua su kompomisonan finansiero seriamente si nan ke tin plaka pa inverti den e pais aki.

TIN OPSTAKULO
Naturalmente tin opstakulonan serio pa logra e metanan aki ku e personal ki plaka ku gobiernu tin aktualmente i ku ta kabuya pa vense.
Pero mester vense e opstakulonan aki mas pronto posibel manera e relatonan finansiero di 2019 i 2020 ku no a aproba ainda apesar ku kada bes CFT i Konseho di Minister ta pone preshon.