CEO di Morgan Stanley a bisa ku e posibilidat ta grandi ku Merka ta bai kai den un reseshon

NEW YORK – James Gorman presidente ehektivo di Morgan Stanley durante un konferensia a indiká ku tin 50 porshento di posibilidat ku ekonomia di Merka lo por kai den reseshon.
E motibu dikon James Gorman ta bisa esaki ta debí ku te ainda Banko Sentral di Merka no a logra yega na un formula pa frena e inflashon.
Kosto di bida na Merka ta subiendo drástikamente i kreando problemanan serio den klase media i hende pober di e pais.
James Gorman ta spera ku Jerome Powell presidente di Federal Reserve (Banko Sentral di Merka) huntu ku su konseheronan i tim di maneho por evitá e reseshon ku ta mustra di ta inevitabel.
Den kaso aki ku Merka kai den un reseshon esaki lo nifiká un kolapso ekonómiko no solamente na Merka sino na nivel global.
E parti negativo ta ku hasta Bitcoin i otro prinsipal criptomonedanan ta sigi pèrdè balor.
Loke mester tuma lugá awor ta ku FED mester buska manera pa baha e inflashon ku tin na Merka.