Bululú den sertamen di beyesa na Sri Lanka

E sertámen di beyesa ‘Mrs Sri Lanka’ a haña muchu mas atenshon despues di e resultadonan. E ganadó sra. Pushpika de Silva algun minüt despues di a bisti e korona a pèrdè esaki debí ku supuestamente e la faya ku regla.
E konkurso tabata pa señoranan kasa i esun ku a gana ta biba separá for di su kasa. Esaki a pone ku mientras e ganado tabata para riba stage ta disfruta di su momentu di felisidat, e aktual Miss World Caroline Jurie a subi riba tarima i kita e korona for di kabes di Pushpika de Silva i pone esaki riba kabes di e promé finalist, protestando ku un persona separa no por karga esaki.
E esena mahoso riba esenario a bai kaba despues den ‘backstage’ ku basta bululú
Pushpika de Silva a deklara ku ofishalmente e no a divorsiá di su kasa, pero ku nan no ta bibando huntu. (Esaki ta akto ku den e religion na Sri Lanka ta basta delikado). E la bai hasi denunsia kontra di e organisashon, ademas a deklará ku e mester a bai hospital pa un herida na su kabes.
Despues di tur e insidente aki e organisashon di e sertámen a kondená e akto tumá pa Miss World Coraline Jurie i a duna di konosé ku Pushpika lo keda rekonosé komo ganadó di e sertámen.