Bukele lo laga sera suidatnan pa kaptura miembronan di tur geng na El Salvador

SAN SALVADOR – Nayib Bukele presidente di El Salvador a anunsiá ayera ku ela yega na fase sinku di lokual e ta yama PCT (Plan Control Territorial).
Esaki ta nifiká ku a yega momentu pa hala faha mara i detené delaster un miembro di geng na El Salvador sera. Nayib Bukele a bisa ku tin un total di 58.000 miembro di e konosido gengnan ku yama Mara Salvatrucha, el Barrio 18-Sureños i el Barrio 18-Revolucionarios enkarselá.
Pero tin komo 20 mil miembro di e tres gengnan aki ta kometé krímennan diariamente pafó.
Nayib Bukele su gobiernu a bin ta hasi tremendo trabou ku baha e tasa di kriminalidat pero ainda tin miembronan di e tres gengnan ku a bai skonde den serunan di bario nan marginá rònt El Salvador.
Fase sinku di e “Plan Control Territorial” ta nifiká ku presidente Nayib Bukele a duna òrdu pa desplegá 20.000 agente polisial i 10 militar fuertemente arma pa arestá sobra miembronan di e tres gengnan aki.
Nayib Bukele a bisa ku ela duna e miembronan di e tres gengnan aki oportunidat pa bin entrega i keda husga pa hustisia. Pero awor polis i militarnan Salvadoreño lo sali bai buska e miembronan di e tres gengnan aki i lo garantisá si nan resistí e asuntu aki por kaba malu pa nan.