Bruce Zagers a baha i Rolando Wilson a bira presidente di Partido WIPM Saba

SABA— Windward Island’s People’s Movement WIPM a kambia lider a skohe Rolando Wilson komo presidente nobo dje partido den porta di elekshon dia 15 di mart awor Bruce Zagers a bira lider politiko.
Basikamente e dos politikonan a kambia di posishon kaminda Wilson kende a sibri su partido fiel i kapas komo lider di frakshon den Konseho Insular i diputado.
Zagers (41) a keda mashá honrdá ku e miembronan a enkargé ku e resonsabilidat di ta lider dje kampaña elektoral pasobvra e isla ta drentando jun temporada kju mester tuma desishonnan ku ta hasi hopi impakto.
Pero semper e partido tabata na fabor di kambio.

Nan ta den bataya pa elimina pobresa i ta buskando oportunidat pa desaroyo ekonomiko i sosial.

I huntu ku relashon fuerte ku kompañeronan na Hulanda Saba a progresá konsiderablemente.
E lider politiko nobo a pidi votadónan pa paga atenshon na e temanan ku ta importante pasobra kada elekson ta importante i esun di mart no ta diferente.
Komo miembro di Konseho Insular e sa di kiko e ta papia i komo partido nan ta masha konsiente dje trabou duru ku nan mester a traha pa logra e progreso ku tur hende po mira.
Saba ta pasando den un momento di progreso energiko danki na e relashon fuerte ku sosionan na Ulanda ku nan a kea ku konfiansa mutuo.
Diputado Wilson tambe lo kore kampaña pero ku e kambio aki e sa partido ta den bon man.

E ta sumamente orguyoso ku logronan dje partido i e ta konsiente ku retonan ta parti dje proseso politiko.
Banda di traha pa gobiernu, Zagers a bin ta prepará tambe pa elekshon.