Brote di Sarampi na Zimbabue a laga un saldo di 157 morto

HARARE – Jasper Chimedza Minister enkargá ku e kartera di Salubridat na Zimbabue a konfirmá ku for di luna di aprel nan a konstatá prome kasonan di Sarampi.
Gobièrnu di Zimbabue no a tuma medidanan nesesario pa bakuna i awor tin un Brote di Sarampi na e pais.
E kantidat di kasonan di Sarampi registrá a yega na 2.056 mucha ku a keda interná den hospital di kual 157 a muri.
Jasper Chimedza a bisa ku ta p’esei via di un Lei di Unidat di Protekshon Sivil a kuminsá ku e proseso di bakunashon obligatorio.
Esaki ta nifiká ku via e lei aki departamentu di Sanidat na Zimbabue por bakuna mas tantu mucha kontra Sarampi.
Monica Mutsvangwa ku ta minister di komunikashon na Zimbabue a splika ku tin un grupo bastante grandi di e komunidat ku no ta kere den medisina moderno.
E grupo aki lo ta difísil pa konvensé i nan tin sigur ku e brote di Sarampi lo sigi plama entre adolesentenan na Zimbabue.