Brote di Covid-19 a pone ku gobiernu di China a sera 8 distrito na Zhengzhou

PEKIN – Na momentu ku ta pensa ku e pandemia di coronavirus a kaba e fin di temporada di aña aki esaki a lanta kabes formalmente na diferente parti di mundu.
Tin hopi hende infektá ku Covid-19 i na China pa ser eksakto Zhengzhou tin un brote ku gobiernu a laga sera 8 distrito pa sinku dia.
Zhengzhou tin un poblashon di 6.6 mion habitante i den e último dianan tabatin un oumento di aproksimadamente 31.444 kaso di kontagio registrá.
Esaki ta nifiká ku gobiernu a laga tèst tur hende na Zhengzhou i lo mantené kontrol pa tur hende tene keda den nan kas durante próksimo 5 dianan benidero.
E parti di higiena ku ta mantené distansia sosial, laba man konstantemente i bisti nan tapa boka tambe a drenta na vigor.
E siman aki outoridatnan sanitario a reportá ku tabatin kasonan di morto registrá relashoná ku covid-19 na diferente parti di China pero na Zhengzhou esaki a subi konsiderablemente i ku a pone e sifra yega na un total di 5.232 morto relashoná ku Covid-19.