Bou di òrdu di gobernador Abbott: Agentenan na El Paso Texas a basha bala di rùber riba migrantenan

TEXAS – E situashon kaminda míles di migrante venesolano ta trata na krusa frontera ku Mexico pa
drenta Merka ta birando un problema serio.
Komo ku Texas ta un estado ku ta keda goberná pa un gobernador Republikano tin informashon ku ela duna òrdu pa no laga ningun migrante krusa frontera i drenta teritorio merikano.
Gobernador Greg Abbott a manifestá kaba ku wega a para i tur migrante ku trata na drenta teritorio di Texas lo bai sinti konsekuensia.
For di komienso di e siman aki e migrantenan aki a kuminsá sinti lokual gobernador Greg Abbott tabata referí na dje ku ta agentenan ku ta kontrolá frontera ta sinta warda e migrantenan pasa pa tira bala di rùber riba nan.
E insidente kontra di migrantenan Venezuela ku tabata waya bandera grandi di nan pais a keda kondena pa derechonan humano.
Na momentu ku e venesolanonan tabata trata na krusa Rio Grandi pa subi teritorio di El Pasa bala di rùber
yena ku Peper tabata skeiru.
Hopi migrante venesolano ku nan yu den man a haña bala ku konsekuensia ku awor e hendenan aki tin ku buska un otro solushon kiko lo nan tin ku bai hasi.