Botica Brion ta muda pa un lokalidat nobo ku selebrashon!

WILLEMSTAD – For di djaluna, 22 di ougùstùs, pueblo di Kòrsou por bishitá Botica Brion na nan adres nobo na Klipstraat Hoek 3, Otrobanda, kaminda tin e ATM di Banco di Caribe i antes tabata Ennia. E lokalidat nobo ta kompletamente renobá i ta duna maksimo komfortabilidat pa tur bishitante.
Resientemente Botika Brion a djòin e famia di Botika di Servisio ku ta e ‘franchise’ di botika mas grandi na Kòrsou.
Botika di Servisio ta konosí pa nan servisio personalisá i produktonan di kalidat na un bon preis, i tin un total di 11 botika rond nos isla.
Pa selebrá e mudansa aki na un manera festivo, dia 2 di sèptèmber 2022 lo tin e apertura ofishal akompañá pa musika, pasapalu i un brindis.
Un i tur ta invita pa bin selebrá huntu ku e tim di Botika di Servisio.

Tambe por disfrutá di tremendo deskuentonan manera 20% di deskuento riba tur vitamina di e marka ‘Service Apotheek’.
Skenicash lo duna 5x skèn hinter dia i Fortuna lo ofresé tambe premionan atraktivo.

Ademas kada 25 kliente lo risibí un bòn di regalo na balor di Fl. 25,-.

Botika di Servisio ta invitá komunidat di Otrobanda i besindario pa pasa selebrá i eksperenshá e lokalidat nobo di Botica Brion pa nan mes.

Pa mas informashon por bishitá nan wèpsait www.botikadiservisio.com.