Internashonal
Boris Johnson lo no apoya ningun di e 11 kandidatonan ku lo bai remplas’é
LONDRES – Boris Johnson eks promé minister di Inglatera ku a hañe obligá ta entrega poder siman pasa a deklará ayera na prensa ku elo no bai apoya ningun di e 11 kandidatonan ku ta aspirá pa sustituyé komo lider
di partido konservador.
E motibu dikon Boris Johnson a bisa asin’aki ta debí ku si e bai apoya un di e 11 kandidatonan elo perhudiká nan sigur konsiderando ku a pone entrega poder pa motibu ku ela pèrdè respaldo di miembronan di su propio partido.
Boris Johnson a bisa ku tur e kandidatonan ta ekspertonan ku konosí e sistema gubernamental Britániko i ku lo no bai apoya ningun teniendo kuenta ku lokual a pasa kuné.
Aktualmente debí na lokual ta pasando entre Ukrania i Rusia tin un oumento di inflashon di 10.9 porshento ku a asotá e pais.
Tin indikashon ku lo bai tin elekshon na Inglatera dia 21 di yüli pero miéntras tantu mester tin un promé minister Interino pa atendé ku e problemanan serio ku e pais ta pasando aden segun Boris Johnson.