Boris Johnson a realisá un operashon di sinusítis

LONDRES – Boris Johnson promé minister Britániko a keda someté na un operashon di sinusítis debí ku for di momentu ku ela keda kontagia ku Covid-19 ela kuminsá ta sufri di problema respiratorio i migrèn.
Dominic Raab vise promé minister kende ta sustituyendo Boris Johnson a bisa ku su kolega mester a hasi e operashon for di aprel di 2022 pero a posponé pa realisá esaki ayera.
E problema respiratorio a kuminsá krese últimamente mas ku Boris Johnson mes a disidí ku ta basta i ku mester bai ópera.
Max Blain bosero di promé minister Boris Johnson a bisa ku ta for di momentu ku ela keda kontagia ku Covid-19 ela kuminsá sufri di sinusítis.
Boris Johnson mester biaha pa un konferensiá di Commonwealth na Ruanda pa fin di e siman aki i
asistí na e Kumbre di Grupo di Shete i di OTAN pa fin di e luna aki.