Internashonal
Boris Johnson a baha komo prome minister di Inglatera
LONDRES – Boris Johnson tabata lomba kontra di muraya debí ku gran parti di miembronan di su gabinete no tabatin konfiansa mas den su kapasidat komo prome minister di Inglatera.
Ayera ministernan Rishi Sunak i Sajid Javid enkargá ku e karteranan di Salubridat i Ekonomia a renunsia.
Tabata trata di e mihó dos ministernan ku Boris Johnson tabatin den su gabinete i ámbos a bisa ku si ta asina gobernashon ta sigi na Inglatera nan lo no ta interesá mas den sigi atendé ku polítika.
Esaki no tabata sufisiente ku ayera durante dia Micheal Gove sekretario di estado britániko a urgí Boris Johnson tuma su retiru.
Den e kaso aki Boris Johnson a rabia asina tantu ku ela yama Micheal Gove kolebra i un traidor.
Micheal Gove a deklará den un entrevista ku Boris Johnson lo no por dura muchu mas na poder komo prome minister i ku awe ela entrega su retiru komo prome minister di Inglatera.