Boneiru a suspendé temporalmente e bùbel ku Aruba, Kòrsou i St. Maarten

Kralendijk–Gezaghèber Edison Rijna a duna di konosé den e konferrnsia di prensa, ku den e delaster simannan e kantidat di kaso di kontagio ku COVID tabata abou i el a keda stabil. Awor akí tin 20 kaso aktivo di COVID-19 na Boneiru. Rijna a bus ku na momentonan akí no ta responsabel pa suavisá e medidanan eksistente. Te ainda tin e menasa di un brote grandi di e variante di dèlta. Manera ta konosí hende ta pega muchu mas lihé ku e variante akí. P’esei nos ta prolongá e medidanan aktual di nivel di riesgo 2 te promé di òktober 2021.

Esaki ta nifiká entre otro ku no ta permití pa mas ku 50 persona bini huntu. Ta permití un máksimo di shen hende na evento. Pa mas informashon wak riba www.bonairecrisis.com
Mi ke hasi un yamada na tur establesimentu di hóreka pa nan no organisá fiesta grandi i pa tene nan mes na e reglanan básiko. Nos ta mira ku na e hermana islanan Kòrsou i Aruba tin brote grandi pa motibu di fiesta den establesimentunan di hóreka. Mi ke kòrda tur hende ku ta prohibí pa tene fiesta bailabel paden.

Nos ta trahando pa denter di algun siman bira posibel pa hende por bini huntu den un grupo grandi, esta si e kantidat di kasonan di kontagio ta permití. P’esei nos ta preparando pa fasilitá evento di mas ku 100 hende. E idea ta pa atmití hende ku ta bakuná òf hende ku a tèst poko algu promé ku e evento tuma lugá. Pronto nos lo bini ku mas informashon.

E siman akí nos a anunsiá ku Aruba, Kòrsou i St. Maarten a bira pais di riesgo haltu. Awor biaheronan di e islanan akí pa Boneiru ku ta ful bakuná tambe mester hasi tèst pa bini nos isla. Entrante mañan Boneiru ta bira pais di riesgo