Bolsonaro rechasá: Tur medida ku gobernadornan a tuma relashoná ku toke de keda

BRAZILIA – Jair Bolsonaro presidente di Brazil a rechasá totalmente tur medida ku gobernadornan di mayoria estado na Brazil a tuma pa laga nan empleadonan bai den karentena.

E situashon ta di preokupashon ya ku tin diferente variante di covid-19 a plama rònt Brazil.

Ta p’esei gobernadornan di práktikamente tur estado na Brazil konhuntamente a tuma nan propio desishon pa bai den un lock down total pa asina evitá mas brote di e pandemia  di e virus mortal aki.

Jair Bolsonaro a indika ku e ta riba lei i ku ningun gobernador por disidí riba nan mes pa tuma un desishon asin’aki ya ku tur hende mester muri un dia tòg.

E mandatario ta pretendé ku e ta preferá ku un hende ta muri di covid-19 i no di hamber.

Departamentu di salubridat na Brazil ta registrando pa dia entre 40 pa 50 mil kontagio i riba 3.800 morto.