Bolsonaro kier involukrá militarnan den próksimo elekshon presidensial

SAO PAOLO – Jair Bolsonaro presidente di Brazil tin ku defendé su argumento kaminda e ta buskando manera pa involukrá militarnan Brasileño den próksimo elekshon presidensial.
Den e kaso aki nunka ántes den historia di demokrasia na Brazil militarnan por a vota den elekshon presidensial.
Carlos Fico profesor di Universidat Federal di Rio de Janeiro ku ta spesialisá den historia militar a bisa ku e motibu dikon Jair Bolsonaro ta buskando manera pa involukrá e militarnan den elekshon ta pa e haña apoyo militar.
Dia 200 aña di Independensia di Brazil presidente Jair Bolsonaro a primintí militarnan ku tabata forma parti di
e desfile ku elo bai sòru pa nan tambe por vota den e próksimo reelekshon presidensial di dia 2 di òktober próksimo.
Luiz Inácio Lula da Silva (2003-2010) eks presidente di Brazil tambe ta haña apoyo di un grupo grandi di militarnan na Brazil ku ta nifiká ku e situashon aki lo por bira algun interesante den rekta final di e elekshon presidensial ku lo keda selebrá dia 2 di òktober 2022.