Internashonal
Bolsonaro a rekonosé su derota dos dia despues di elekshon na Brazil
SAO PAOLO – Despues di dos dia di silensio Jair Bolsonaro aktual presidente di Brazil a tene un rueda di prensa i ta rekonosé e viktoria di Luiz Inacio Lula da Silva. Jair Bolsonaro a deklará ayera ku ela manda palabranan di felisitashon kaba pa Luiz Inacio Lula da Silva ku su viktoria i ku ta deseá pa e tin hopi éksito ku e próksimo periodo di gobernashon.
Den e kaso aki Jair Bolsonaro no tabatin ningun reklamo tampoko ku e proseso di Konseho Supremo Elektoral i ku mester rekonosé ku nan a hasi un tremendo trabou.
Un total di 58 mion hende a vota pa Jair Bolsonaro ku ta nifiká ku ela bin di atras den di dos tèrmino di elekshon presidensial 2022 na Brazil.
Luiz Inacio Lula da Silva a logra un total di 60.345.999 voto miéntras ku Jair Bolsonaro a logra haña 58.206.354 voto ku ta representá un 49.1% di respaldo.
Jair Bolsonaro a bisa ku esaki ta nifiká ku su partido lo bai traha duru den oposishon pa vigilá pa Luiz Inacio Lula da Silva hasi tur lokual ela primintí e pueblo di Brazil.