Bolsonaro a anunsiá un akuerdo pa kumpra Diesel serka Rusia

BRAZILIA – Jair Bolsonaro tabata na Mosku for di luna di Febrüari i aparentemente ela sera algun akuerdo pa kumpra Diesel serka gobiernu di Vladimir Putin.
E motibu dikon presidente Jair Bolsonaro a sera akuerdo di kompra di Diesel serka Rusia ta debí ku e kalidat ta haltu i ta sali muchu mas barata si keda refiná pa refinerianan di Petrobras.
Jair Bolsonaro a bisa ku e sanshonnan ku Merka i paisnan den Union Europeo a imponé kontra Rusia a pone ku preisnan a subi drástikamente.
Tin informashon ku hasta e paisnan den Union Europeo ku a sanshoná Rusia ta kumprando Diesel normal serka Rusia.
Jair Bolsonaro a deklará ku denter di 60 dia e promé kargamentunan di Diesel lo yega Brazil pa asina trese
un alivio bek serka di konsumidónan.
Aparentemente tin Petrobras ku ta produsí Diesel pero ku asina mes nan mester importá 30 porshento pa lokual ta keda usa na Brazil.