Bòftá sin wanta pa Javier Silvania….. Alcalá Wallé no ta tuma e malakriansanan di Silvania

WILLEMSTAD. Den dianan ku a pasa e futuro minister di Finansa ku mester sali for di seno di MFK, Javier Fransisco Antonio Silvania ku tabata tene su mes okupa ku fundashon ABC Opleiding en Training a haña un bòftá sin wanta pa e pistoladanan ku ela bin ta tira den direkshon di èks minister di Enseñansa.
Ta for di desèmber 2017 te ku februari 2018 Javier Silvania tabata intensivamente aktivo pa difamá Marilyn Alcalá-Wallé (siendo apenas miniseri di Enseñansa èts.,) akusando e mandatario sistematikamente di korupshon.
Ku su akusashonnan mentiroso i Silvania a kousa hopi daño personal na reputashon di señora Alcalá-Wallé, na e muhé den politika, na su famia i gobernashon di Kòrsou.
Silvania a komete e delito di difamashon.
Difamashon ta e krimen di akusá un hende pa èksprès di supuesto hechonan ku no ta bèrdat.
Den Kódigo Penal ta deskribi kiko ta Difamashon ku ta bisa: “….esun ku ta kometé kalumnia verbal of por eskrito sin por proba ta komete difamashon riba kual tin kastigu di maksimo 3 aña…..”
Tantu den deklarashonnan di prensa i aviso den korantnan lokal i entrevista na radio i televishon, e personalmente i tambe na nomber di Stichting ABC Opleiding & Training a ofendé i difamá Minister di Enseñansa dje tempu ei.
Dianan 14 i 15 di februari 2018 ela yama e minister politiko korupto den korant i na televishon.
Despues ku señora Alcalá-Wallé a tuma paso legal kontra Javier Silvania, korte a oblig’é pa rektifiká su mentiranan sin base.
I esaki ta un dje proksimo mandatarionan ‘integro’ ku ke kibra reputashon di otronan kompletamente di mala fe.
Stail di “Quitate tu pa’ ponerme yo!!”

Javier Fransisco Antonio Silvania