Bo ke ta un bon padrinu òf madrina di Boutismo i Konfirmashon? Sigui e konsehonan akí

Cynthia Pérez | ACI Prensa

Promé parti

Ku motibu di e Fiesta di Tur Santu, selebrá pa Iglesia dia 1 di novèmber, pader Roger J. Landry, un saserdote di e Diósesis di Fall River i kapelan nashonal di Catholic Voices USA, a yama pa rekordá e balor i importansia di padrinu i madrina komo guia pa ku santidat.
Den un resien artíkulo publiká den National Catholic Register, pader Landry a rekordá ku ademas di e santunan kanonisá pa Iglesia Katóliko, ken ta ser konmemorá riba Dia di Tur Santu, ta eksistí e “santunan bisiña”, ku manera Papa Francisco a bisa, ta tur persona “ku, ku simplesa, ta respondé malu ku bon, nan tin e balor di stima enemigunan i resa pa nan”.
E saserdote a señalá ku apesar di ku e padrinu i madrina mester ta “santunan di den banda”, den algun parti di mundu manera den Sicilia (Italia), e diósesis a retirá òf a pidi pa retirá e figura di padrinu i madrina, pues ya nan no ta kumpli ku nan ròl. Un ehemplo ta e Arkidiósesis di Catania, di kua su arsobispo a prohibí padrinu i madrina di Boutismo i Konfirmashon pa tres aña.

Tambe, e Diócesis di Mazara del Vallo, den Sicilia, lo implementá un prohibishon similar na yanüari i e Diósesis di Acireale a regla ku padrino i madrina lo ta opshonal i a eksigí ku e kandidatonan ta hura ku nan ta kreyente i no miembro di mafia. Ademas, for di 2014, e Arkidiósesis di Reggio Calabria ta preshoná Papa pa prohibí padrino i madrina pa 10 aña.
El a bisa ku, den un artíkulo di The New York Times, a splika ku e figura di padrinu i madrina den Sicilia a bira un “sorto di kumplimentu formal òf kustumber sosial”, kaminda esnan nominá no únikamente no tabata kalifiká dor di no praktiká e fe katóliko; sino ku nan ròl tabata siendo mashá “manipulá pa mafiosonan pa fortalesé lasonan di lealtat”.