Bloomberg a konfirmá ku: 20 kliente kumpradó di gas Ruso a habri kuenta bankario na Rublo

NEW YORK – Di akuerdo ku informashon ku a keda publiká den Bloomberg un total di 20 kliente kumpradó
di gas i kombustibel for di refinerianan Ruso a habri kuenta bankario na Ruble serka Gazprombank JSC. Manera ta konosí Gazprombank JSC ta entidat finansiero di firma energétiko ku ta keda kontrolá pa e régimen Ruso.
Vladimir Putin a pone bon kla pa kada kliente ku Gazprom ta suministrá gas i kombustibel den Union Europeo ku no habri un kuenta di banko serka Gazprombank JSC lo no suministrá nan ku nada mas.
E anunsio importante ku Vladimir Putin a hasi aki a keda hasi dia 29 di mart último durante su rueda di prensa na Mosku.
E medida a drenta na vigor dia 1 di aprel pero e régimen Ruso a duna su klientenan te ku 1 di Mei pa nan habri un kuenta na Ruble serka Gazprombank JSC.