Bloomberg a konfirmá: Guyana ta na kaminda pa bira un potensia petrolero mundial

GEORGETOWN – Den un entrevista ku e portal Digital Bloomberg Bharrat Jagdeo vise presidente di Guyana a konfirmá ku nan ekonomia ta kresiendo di un forma bárbaro.
Ekonomia di Guyana ta kresementu asina bon ku gobiernu a manda buska ekspertonan finansiero ekstranhero pa bin yuda nan atendé ku planifikashon di rikesa di nan pais pa asina evitá di trese efektonan sekundario no deseá.
Bharrat Jagdeo a splika ku e pronóstiko ku tin ta ku lo bai tin espektativa ku na Guyana lo bai tin produkshon di 800.000 bari di krudo pa dia pa 2025. Mester indika ku Guyana tin un populashon di apénas 792 mil habitante di kual e pais lo bai tin un rikesa enorme.
Konsiderando ku nan produkshon di eksportashon di petrolio lo ta kompará lokual Venezuela ta produsíendo awor.
Bharrat Jagdeo a bisa ku ya kaba ta konsiderá ku e kantidat di plaka ku Guyana lo bai generá na eksportashon di petrolio por keda kompará nan mesun ku Kuweit. Den komparashon ku Kuweit tin un populashon di 4.7 mion habitante i ta eksportá 2.9 mion bari pa dia. Segun un pronóstiko di Fondo Monetario Internashonal ekonomia di Guyana lo krese ku un 47% e aña aki konsiderando ku na 2021 ela krese ku 20 % i na 2020 ku 43%.