Black Out total na Cuba despues ku orkan Ian a pasa

HABANA – Bruno Rodríguez Parrilla minister enkargá ku Relashonnan Interior na Cuba a konfirmá ku orkan Ian a kousa bastante daño riba e isla spesialmente nan e sistema di koriente. Tin indikashon ku bientunan fuerte a tumba fila di palunan di koriente i asina okashoná ku e kompania di utilidat mester a para ku suministro nan servisio rònt Cuba. Bruno Rodríguez Parrilla a splika ku e situashon tabata delikado kaba i awor ku lokual orkan Ian a hasi a pone ku e situashon a bira pió. E Instituto Meteorológiko (Insmet) di Cuba a indika ku orkan Ian tabata produsí bientunan di kategoria 5 kompaña ku hopi áwaseru.
Bruno Rodríguez Parrilla a splika ku e hendenan a trata na prepará pa orkan Ian pero den e kaso aki pa naturalesa semper tin un sorpresa. E provinsianan ku ta keda den parti oksidente di e isla ku a haña mas kastigu di awa ta na Pinar del Río i Mayabeque kaminda a registrá daño nan ireparabel na residensianan, edifisionan, fabrikanan i kareteranan.