Bista por ta limitá pa motibu di stòf di Sahara

Kralendijk – Bista na Boneiru por keda influensia e dianan aki pa e stof di Sahara ku ta bini nos direkshon.
Tin un chèns chikitu ku den e e stof di Sahara tambe tin shinishi di e volkan La Soufrière. Servisio meteorológiko ta enfatisá ku e posibilidat ku e shinishi di e volkan na e isla Karibense Sint Vincent ta yega Boneiru ta masha chikitu.
For Di 9 aprel te ku 12 aprel 2021 tabatin por lo ménos 23 eksploshon ku a tuma lugá na e volkan di La Soufrière na St. Vincent.

Despues di esaki e aktividatnan a bira ménos. Dia 13 i 14 aprel tabatin 2 eksploshon grandi mas, kaminda e shinishi ku ta sali for di e volkan a alkansá un altura di 16 km.
Ta ferwagt ku mas eksploshon lo sigui durante e próksimo dianan.

Pa sa si e shinishi i gasnan ku ta sali lo por alkansá Boneiru mester determiná e haltura ku nan ta drenta den atmósfera i e banda ku e bientu ta supla na e nivel ei.
E perspektivanan pa Boneiru ta favorabel. Segun Washington VAAC ( volcanisch ash advisory center) e mayoria di e shinishi i gasnan ta rumbo pa Afrika.