Bill Cosby den notisia atrobe: Un total di 5 muhé ta akus’é di asalto seksual inkluyendo dos aktris di “Cosby Show”

NEW YORK – Bill Cosby (85) ta den notisia atrobe kaminda e biaha aki un total di 5 muhé a akus’é di asalto seksual inkluyendo dos aktris di “Cosby Show”.
Ta konosí ku “Cosby Show” a dura di 1984 pa 1992 i ku Bill Cosby a bira un di e aktornan mihó paga na Merka durante e periodo aki.
Huntu ku e fama i fortuna ta bini poder i Bill Cosby no tabata por a kontrolá esaki ya ku ela pensa ku e ta riba lei konsiderando ku ela violá bastante hende muhé.
Andrew Wyatt abogado ku ta representá Bill Cosby a bisa ku e dos aktrisnan Lili Bernard i Cindra Ladd huntu ku e tres otro muhénan ta tras di plaka.
Segun Andrew Wyatt ta manera nan a nota ku Bill Cosby a pèrdè un kaso kontra Judy Huth nan tambe a entamá un kaso kontra su kliente.
Bill Cosby a faya debí ku ela tene relashon seksual ku Judy Huth na Playboy Mansion na 1976 tempu ku e tabatin 16 aña di edat.
Judy Huth a haña un kompensashon di $500 mil.
E sinku muhénan no solamente a demanda Bill Cosby sino NBC i Kaufman Astoria Studios i Carsey-Werner Television tambe.
E motibu ta debí ku e ehekutivonan tabata na altura ku Bill Cosby tabata un hòmber maniak ku no tabata por a wak muhé ku wowo.